Sidaction : N'oublions pas que le SIDA est toujours là
(A ridazzioni d'Alta Frequenza) - Finisci duminica à sera u Sidaction. Da aiutà à ricirca è i malati, chjameti issu numaru unicu : u 110. Pudeti ancu porghja u vosciu aiutu via a reti, à nantu à u situ sidaction.org, sinu à u 22 d’aprili. Pà issa 25esima edizioni, voli parà, u SIDACTION, a banalisazioni di l’epidemia di u SIDA. In Corsica, l’associu Aiutu Corsu hà privistu parichji azzioni. In associu cù panitteri è liceani, sarani urganizati venditi di biscotti. Certi risturatori darani 1 auru pà ugni ripastu vindutu. L’associu Aiutu Corsu sarà prisenti dinò sabbatu, piazza à u Diamanti, pà venda candeli è dulciumi. Pudeti ritruvà u prugrama cumplettu d’iss’azzioni à nantu à a pagina facebook di l’associu.
