Séisme en Italie : arrêt de la collecte des dons, solidarité et générosité en Corse
(A redazzioni d'Alta Frequenza) - In u quadru di a mubilisazioni à prò di i vittimi di u tarramottu accadutu calchì ghjornu fà, a Cullittività tarrituriali di Corsica è l'associ impignati à fiancu à ella facini sapè, à a dumanda di l'autorità taliani, "ch'ella hè compia a racolta di i doni chì, grazia à u slanciu immensu di generosità, hà parmissu di racoglia in un tempu assai cortu l'equivalenti di dui semirimorchi di panni, prudutti di prima necessità, ghjoculi è magnusca micca vastevuli". Tutti i doni sarani mandati grazia à un prima viaghju pà i marcanzii, chì hà da parta da Corsica versu Livornu da quì à a fini di a simana. Un sicondu inviu hè privistu da quì à un mesi, pà parmetta à l'autorità taliani di fà u scumpartimentu di l'aiuti regiunali nant'à tutti i zoni tocchi. « Torna una volta u populu corsu hà fattu a prova di a so sulidarità è a so generosità, à ringrazià vi tutti per sta mubilisazione tremenda », compii a CTC.
Sur le même sujet
