Résorption du désordre de la propriété : Vote à l'unanimité du Sénat de la proposition de loi de Jean-Jacques Panunzi
Photo : cabinet Jean-Jacques Panunzi
Jean-Jacques Panunzi hà uttinutu à u senatu un votu unanimu par a prurugazioni di deci anni d’una pruposta di legi à nantu à l’assanamentu cadastrali è a risuluzioni di u disordini di a prupriità.
« Asisti in u nosciu paesu un disordini di a prupriità liatu à a mancanza di tituli uppunevuli, à l’asistenza di bè micca limitati… hè a Corsica chì hè a più tocca », hà dittu u senatori Panunzi.
« Di fatti, a Corsica hè u tarritoriu u più marcatu da issa situazioni di disordini ».
« Issu disordini fundariu pruduci l’insicurità ghjuridica è t’hà effetti ecunomichi pessimi », hà pricisatu Jean-Jacques Panunzi.
« A situazioni cambia è s’avversa bè, ma a strada hè longa sempri ».. « u fini d’issa pruposta di legi hè di prurugà i misuri di a legi di u sei di marzu llu 2017 sinu à u 31 di dicembri di u 2037, inveci di u 31 di dicembri di u 2027 privistu par avali ».
Issa pruposta, dunqua, l’hà vutata à l’unanimità u senatu.
Steti à senta u senatori Jean-Jacques Panunzi.
Sur le même sujet
