Prisonniers politiques corses : LA question
(A redazzioni d'Alta Frequenza) - U sceffu di u guvernu di un "paesi amicu" induva ùn c'hè micca prighjuneri pulitichi sarà dunqua inde l'isula a sittimana chì veni. A prova chì in Parighji ùn si voli micca mischjà a dumanda di i prighjuneri à prublematichi pulitichi, u ministru di a Ghjustizia, di quali si pinsava ch'ellu vinaria mentri ssa visita di parechji ministri, ùn sarà micca quì infini. È casca bè, sicondu a Liga di i Diritti di l'Omu, parchì parmittarà d'amintà ssa quistioni di i prighjuneri solu nant'à u latu puliticu. Dipoi a fini di tutti l'azzioni clandestini, dici l'associu umanitariu, l'uccasioni di custruiscia di manera durevuli un prucedimentu di paci hè data infini à a Corsica è a quistioni di i prighjuneri, cù u pianu puliticu, hè u sicondu latu di una listessa pezza.
Steti à senta à André Paccou, dilegatu regiunali di a Liga di i Diritti di l'Omu.
