Palmiers : la lutte contre le charançon rouge s'intensifie à Ajaccio
(A redazzioni d'Alta Frequenza) - A lotta contr’à u pinzachju rossu si rinforza in Aiacciu. Ssa dumenica, hè principiata un’uparazioni di trattamentu di i palmi di a piazza Foch, inghjinnendu da un’antra banda a sarratura di u marcatu cintrali ssu luni è ssu marti. Pà pruvà à falla finita cù ssu parasitu, i servizi municipali cumpitenti ani sceltu di trattà i palmi Phoenix cù l’endoterapia, grazia à un pruduttu chimicu contr’à l’insetti. In u cori di a cità, sò 341 palmi cumunali chì sò cuncirnati, cù a piazza Foch. Dipoi a scuparta in u 2011 di u prima pinzachju rossu, era nant’à unu di i palmi d’una scola di a Cità impiriali, tutti i strategii autorizati sò stati aduttati pà salvà unu di i simbuli chì teni assai à cori di l’aiaccini è chì piaci assai à i turisti.
Steti à senta à Georgia Susini, direttrici di l’Ambienti è di l’accunciamenti paisaghjeri di a Cità d’Aiacciu.
Sur le même sujet
