Navire bétailler en panne : accord de principe pour un remorquage
(A ridazzioni d'Alta Frequenza) - Com’idd’era privista, a navi chì carriaia bistiamu, è ch’era in panna in u golfu d’Aiacciu, hà avutu un cuntrollu sanitariu è micanicu. Malgradu u dannu, i cuntrulladori ani rimarcatu ch’idd’era in bonu statu a navi, è ch’idda t’avia à bordu i so ducumenta rigulamintarii, tinuti à ghjornu. U vitirinariu hà custatatu chì u bistiamu era tinutu bè, in saluta, senza suffrimentu nè fami. L’armatori hà dittu ch’idd’avia da fà rimurcà a so navi sinu à Bairutta. In tantu, s’accuppa di furnì a pascioni à l’animali. U prifettu marittimu hà datu u so accordu di principiu, patti è cundizioni ch’iddu sichi prisintatu un cirtificatu di capacità à u rimurcamentu.
photo Lemarin.fr
Sur le même sujet
