Meurtre de Vincent Dorado : un grand pas de franchi dans l'enquête ?
(A redazzioni d'Alta Frequenza) - Dui anni fà, u 18 di ghjinnaghju di u 2016, Vincent Dorado, prufissori di scenzi di a vita è di a tarra in u culleghju di Baleone, hè statu tombu davanti a so casa in Afà. A pricura d'Aiacciu è i sirvizi di gendarmeria t'ani podassi oghji un elementu d'inchiesta novu. Un ADN feminili hè statu ritrovu davanti a casa di a vittima è saria, sicondu u prucuratori Eric Bouillard, liatu à l'affari, senza chì ss'ADN sighi difinitu com'è essendu quillu di u tiradori. Dopu avè missu da cantu una leia parsunali o amichevuli liata à ss'ADN, a sizzioni di ricerca di a gendarmeria s'intaressa oghji à l'ambiu prufiziunali di a vittima. Di fatti, un prilevamentu maiò pà fà parechji paragoni hè statu dicisu da l'inchiestadori. Un'uparazioni chì cuncerna più di 280 parsoni di sessu feminili, maiò, culleghi di Vincent Dorado à u mumentu di i fatti, o mammi di l'elevi di Vincent Dorado à a listessa epica. Un'uparazioni chì pudaria parmetta dinò di sarrà parechji porti, ma dinò di fà tacia certi vuciati, ani dittu l'inchiestadori. Eric Bouillard hà vulsutu pricisà soprattuttu chì "ssi prilevamenti, rializati sottu à l'autorità di un magistratu struttori, sarani aduprati solu pà ss'affari criminali. Nisun cartulari sarà nutritu da i dati scentifichi racolti".
Steti à senta à Eric Bouillard, u prucuratori di a Republica d'Aiacciu.
Sur le même sujet
