Lucciana : une liste nationaliste d'ouverture sera candidate aux municipales de 2020
(A ridazzioni d'Alta Frequenza) - Ci hè sempri un annu da quì à i municipali, ma certi intinzioni si vidini dighjà. In un cumunicatu, una lista naziunalista è d’apartura annuncia a so candidatura in Lucciana. In sta cumuna, una di i più dinamichi lli circondi bastiacci in fatti di dimugraffia, José Galletti, u merri di dritta, hà da circà à vincia si un novu mandatu. A lista dici, in u so cumunicatu, ch’idda voli « pusiziunà a liendula suciali in cori à i primuri municipali, metta in valori u patrimoniu storicu è naturali lla cumuna, dà cuirenza à l’urbanisazioni, sviluppà l’icunumia lucali, essa attenti à i famiddi rinfurzendu a presa in carica di i vechji è di i zitidduchji, è piddà in contu a prutizzioni di l’ambienti è u quadru di vita di l’abitanti ». Issi sughjetti, dici u cumunicatu, sò lacati da cantu chì sò vinticiquanni, in Lucciana.
