Le STC a occupé les locaux de la Direccte à Ajaccio et Bastia
(A redazzioni d'Alta Frequenza) - Occupazioni di i casali di a Direccte, l'anziana direzzioni di u travaghju, in Aiacciu è Bastia ssu marti da mani da u STC. U sindicatu naziunalistu vulia dinunzià "l'accessu à certi ducumenti suciali" impussibuli oghji. Cartulari nicissarii pà pudè virificà i risultati à l'alizzioni prufiziunali, pà a cumpusizioni di i cunsighji pà i tribunali di u travaghju. Altru tema ammintatu di manera più larga, quillu liatu à a Cartula di l'Impiegu Lucali chì hà criatu a pulemica calchì ghjornu fà, cù frà altru una pusizioni assai secca di u prifettu di Corsica. U STC dumanda più cà mai l'appiecazioni di ssa cartula purtata da u presidenti di l'Assemblea di Corsica malgradu l'ostaculi, pà sbuccà infini nant'à una vera cursisazioni di l'impieghi.
Steti à senta à Ghjuvanni Brignole, u secretariu naziunali di u STC.
