Le nationaliste Joseph Pucci prend la tête du Syndicat d’Energie de la Corse-du-Sud
(A redazzioni d'Alta Frequenza) - Senza surpresa, Joseph Pucci, unicu candidatu in corsa, hè statu elettu ssu ghjovi presidenti di u Sindicatu d'Energia di Corsica Suttana. Nant'à i 192 membri scritti raprisintendu i cumuni assuciati è l'8 cunsighjeri tarrituriali di a maghjurità, u merri di Vighjaneddu è cunsighjeru tarrituriali Pè a Corsica hà racoltu 147 voti, mentri ch'elli ci sò stati 20 bigliettini bianchi è 7 nulli. Joseph Pucci pighja a seguita di Jean Jacques Panunzi, u senatori di Corsica Suttana. Effettivu dipoi u 1a di ghjinnaghju di u 2011, ssu sindicatu mistu apartu cumpostu di 122 cumuni di u dipartimentu, for'd'Aiacciu è di Prupià, è di a Cullittività di Corsica, hè in carica di l'urganisazioni di a distribuzioni d'elettricità, a furnitura d'elettricità, è a custruzzioni di l'opari chì parmettini a diffusioni di l'altu è di l'altissimu flussu internet nant'à u tarritoriu di i cumuni. Ogni annu, guasgi 3 000 cartulari sò struiti è guasgi 40 millioni d'auri sò didicati à a sizzioni investimentu di u bughjettu. L'azzioni di u Sindicatu d'Energia di Corsica Suttana poni tuccà guasgi 77 000 abitanti. Duranti l'ultima sissioni di l'Assemblea di Corsica, hè nata una pulemica forti trà a maghjurità è i gruppi d'uppusizioni inghijru à a manera di vutà pà l'alizzioni di u cunsighju d'amministrazioni di ssu sindicatu cumpostu solu, à u nivellu di a Cullittività di Corsica, d'eletti naziunalisti. U novu presidenti voli appacià oghji ssi tinsioni è cuncintrassi nant'à i cantieri maiò chì devini essa purtati, soprattuttu in u rurali.
Steti à senta à Joseph Pucci.
Sur le même sujet
