Le maire de Guargualè s'en est allé...
(A redazzioni d'Alta Frequenza) - Si n'hè andatu u merri di Vargualè ssu luni dopu un accidenti nant'à a strada. Charles Casanova avaria persu a maestria di a so motò, mentri ch'ellu circulava à a surtita d'Aiacciu, à u nivellu di u ghjiratoghju di Bastilicaccia. À 51 anni, quillu chì era statu premiatu di a Marianne d'or in u 2012, hè mortu par via di i so feriti appena dopu essa statu trasferitu à l'uspidali d'Aiacciu. I circustanzi di ssu drama ùn sò ancu cunnisciuti cù pricisioni. A direzzioni è tutta a squadra d'Alta Frequenza prisentani i so cundiglianzi sinceri à tutta a famighja è a tutti quilli chì u tenini caru. (ritrattu : Corse Matin)
