Le Forum des Mathématiques, les 10 et 11 avril prochains à Ajaccio
(A redazzioni d'Alta Frequenza) - U 10 è l'11 d'aprili, u Palazzu di i Cungressi d'Aiacciu accogli I Ghjurnati di i Matematichi. Dui ghjorni cù scuparti scentifichi, attelli ludichi è spartera di a cunniscenza. Sculari di scoli primari fin'è i licei sò aspittati, pà scopra o scopra torna l'utilità di i matematichi in a vita d'ogni ghjornu. Hè impurtanti di pricisà chì nisun nivellu particulari hè dumandatu pà pudè participà à ss'animazioni purtati da l'associu Matematica per tutti, cù u sustegnu frà altru di a CTC è di a cità d'Aiacciu. Altra tematica maiò, l'appiecazioni medicali di i matematichi, à traversu dui cunfarenzi di i Prufissori Barbolosi, Muracciole è Barlesi. Si parlarà di i matematichi è di u cancaru, cù l'appoghju di u cumitatu di Corsica Suttana di a Liga contr'à u cancaru.
Matematica per tutti, dui ghjorni pà cuncilià torna u publicu cù i matematichi, com'ellu a ci dici u Prufissori Dominique Barbolosi, matematicu circadori, à l'inziativa di ssa manifistazioni.
Sur le même sujet
