Interpellations dans l'affaire Reims - Bastia : mobilisation et grève de la faim
(A redazzioni d'Alta Frequenza) - Ssu luni, dui ghjuvanotti sò stati arristati in principiu di matinata è intesi in u quadru di l’inchiesta nant’à l’incidenti chì ani suvitatu l’adunita davanti u cumissariatu di Bastia u lindumani di a partita trà Reims è Bastia di farraghju scorsu, mentri chì un terzu s’hè prisintatu in principiu di sirata par essa intesu dinò ellu. Ss’arristazioni novi ani inghjinnatu a mubilisazioni di più di centu parsoni davanti a merria di Bastia, com’è u merri di a cità, Pierre Savelli, o u cunsighjeru esecutivu Saveriu Luciani, chì ani accumpagnatu dopu u terzu ghjuvanottu fin’è u cumissariatu. Aldilà di l’annunziu di a criazioni di un cullittivu di i famighji, amichi è altri cunniscenzi di quilli cuncirnati da ss’affari, a scuntintezza di u presidenti di Bastia 1905, Jean Baptiste Castellani, s’hè compia cù l’annunziu di u principiu di a so greva di a fami, dumandendu chì tutti i parsoni di ssu cartulari ùn sighini più imbistiati da l’autorità, eppo un appuntamentu trà u ministru di l’Internu, Bernard Cazeneuve, è u sustenidori feritu gravi in Reims, Maxime Beux, accumpagnatu da a so famighja.
Steti à senta à Jean Toussaint Legato pà Bastia 1905.
Sur le même sujet
