Incendies de Haute-Corse : une chanson éditée sur un single pour récolter des fonds
(A redazzioni d'Alta Frequenza) - A sulidarità s'urganizeghja torna, una simana dopu à i fochi maiò chì ani toccu u Cerviunincu è a Castagniccia. Un asempiu novu hè statu datu, in musica, cù l'isciuta di un single di u cantadori è musicanti isulanu Dédé Sekli, à l'iniziativa di u Rotary Club Bastia Mariana. « Mixed Colors », una canzona in corsu è in inglesu intarpritata in duettu cù una ghjovana Americana chì hè stata un annu in Corsica, mentri un scambiu sculari. Un single chì costa 6 auri cù benefizi chì sarani virsati à l'associ lucali chì stani à fiancu à i parsoni chì ani suffertu è chì, pà certi, ani persu tuttu. Ferma à truvà oramai lochi di vendita pà ssu CD, chì sarani diffusati nant'à a paghjina Facebook di l'artistu Sekli.
Steti à senta à Dédé Sekli.
