Hôpital de Castellucciu : l'escalade des actions du STC face au blocage étatique
(A redazzioni d'Alta Frequenza) - S'allonga u cunflittu à l'uspidali di Castellucciu dipoi guasgi un mesi. U STC, sempri mubilizatu nant'à u tarrenu, hà dicisu di fà crescia torna di più i so azzioni. U sindicatu, chì hà urganizatu ssu ghjovi in fin di matinata una cunfarenza di stampa davanti a prifittura d'Aiacciu, blocca d'una manera illimitata a circulazioni nant'à ssa parti di u corsu Nabuliò. Un focu hè ancu statu accesu nant'à a strada, cù un fumu neru è spessu chì si pò veda parechji metri à l'inghjiru. I sindicalisti ani da cuntinuà u so blucchimi s'elli ùn uttenini micca ciò ch'elli dumandani à u ministeru di a Saluta, chì ùn pari micca prontu à mova. Appena nanzi à meziornu, una dilegazioni di u STC hà dumandatu à scuntrà u prifettu di Corsica, Bernard Schmeltz; una dumanda chì u raprisintanti di u Statu nant'à l'isula hà ricusatu, hà pricisatu u sindicatu.
Steti à senta à Maxime Serra pà u STC Castellucciu.
