Football (transfert) - Kassim Abdallah et Alioun Fall rejoignent l'AC Ajaccio
(A redazzioni d'Alta Frequenza) - L'AC Aiacciu hà annunziatu a signatura di dui ghjucadori novi oghji (marcuri), ultimu ghjornu di u marcatu d'istati. Ghjunghjendu da Evian Thonon Gaillard, Kassim Abdallah s'hè ingaghjatu un annu cù u club corsu. À 29 anni, ss'ultimu prisenta un bellu CV, cù 59 partiti di Liga 1 com'è titulariu è 114 in Liga 2. Hà purtatu i culori di Sedan, Marseghja è Evian. Kassim Abdallah hè un difensori laterali chì pò ghjucà dinò in u centru di a difesa. Olivier Pantaloni si ni pudarà ghjuvà in ssu rigistru quì dopu a ferita gravi di Joris Sainati. Alioune Fall t'hà 25 anni pà contu soiu. Ghjucava dinò ellu in Evian Thonon duranti i dui ultimi staghjoni. U francesi è senegalesi hà ghjucatu 8 partiti di Liga 1 è solu una decina a staghjoni scorsa in Liga 2, sempri in Alta Savoia, par via di una ferita. Hà ghjucatu dinò in Dijon. Alioune Fall hè un difensori laterali.
Sur le même sujet
