Football (Ligue 2) - Un SC Bastia trop tendre s'incline à Angers (2-0)
Pà a settima ghjurnata llu campiunatu di siconda divisioni, u SC Bastia hà persu 2 à 0 in Angers.
Senza essa à veru supranatu da i lucali, u Sporting ùn hà tantu ghjucatu in a prima parti llu scontru, chì ùn erani tanti i ghjucadori impignati.
Passati 29 minuti, dopu à un calciu d’angulu, Capelle marcaia di capu pà Angers.
Ghjunta l’ora di ghjocu, è fatti uni pochi di cambiamenti, u Sporting si facia più attivu, ma senza essa mancu piriculosu pà a difesa d’Angers.
A fin’di scontru bastiaccia hè stata calamitosa : in u tempu in più, Yapi si hà buscu una siconda carta giadda chì valia sclusioni, è Bahoya hà missu u sicondu marcu pà Angers, a difesa bastiaccia ùn issendu ci più, in a partita.
Pari ancu ch’iddu si sichi fertu à u ghjinochju mentri iss’azzioni Julien Fabri, u guardianu bastiacciu.
À a classifica, u Sporting pidda a 13esima piazza, cù dui punti d’avanzu à nantu à u primu à falà.
