Football (Ligue 2) - Le Niçois Gautier Lloris prêté au GFC Ajaccio
(A redazzioni d'Alta Frequenza) - U GFC Aiacciu si rinforza oghji (ghjovi) cù a ghjunta di Gautier Lloris inde l'effettivu rossu è turchinu. Difensori cintrali, hè pristatu fin'è a fini di a staghjoni à u club aiaccinu, senza uzzioni par essa cumpratu dopu. À 22 anni, hè u fratillucciu d'Hugo Lloris, u guardianu di a squadra di Francia. Hà ghjucatu dui partiti in Liga 1, ma hè statu soprattuttu cù a squadra riserva di u club nizzardu.
