Football (Ligue 2) - L'ACA ne sait toujours pas voyager et s'incline à Troyes (3-1)
Photo : AC Aiacciu
Pà u primu di i scontri in ritornu, l’AC aiacciu si n’hè mossu sabbatu à ghjucà contru à Troyes.
Ancu puri manchendu li uni beddi pochi di ghjucadori, l’aiaccini t’aviani a intizioni di fà calcosa pà issu stadiu di l’Aube, è piddaiani subitu u cumandu di a partita.
Eppuri sò stati i lucali à fà si piriculosi i primi, via Saïd, passata una meza ora, ma Mathieu Michel ùn si hè lacatu piddà.
À pena dopu, via un ballonu datu da Elisor, u stessu Saïd mittia un marcu.
Ghjustu innanzi à u posu, dopu à un beddu travaddu di Tim Jabol-Folcarelli, Valentin Jacob marcaia pà Aiacciu.
À pena ripresu u scontru, Bruus mittia un sicondu marcu par Troyes.
Malgradu i so difficultà à avvicinà si da a cabbia di i lucali, l’ACA pudia essa vultatu à marcu pattu dopu à 64 minuti di ghjocu, via un marcu di Soumano, ma l’arbitru u ricusaia pà una pusizioni for’di ghjocu.
Ghjunti à 71 minuti di ghjocu, Saïd mittia u so sicondu marcu parsunali, u terzu pà a so squadra.
L’affari si hè fermu cusì, è l’AC hè oramai nuvesimu à a classifica.
