Football (Ligue 1) - Le SC Bastia se déplace avec ambition à Nantes
(A redazzioni d'Alta Frequenza) - Pà l'ottesima ghjurnata di Liga 1, u SC Bastia, ondicesimu, ghjoca ind'è u diciottesimu, Nantes, ssu sabbatu à sera à 8 ori. Una partita induva u Sporting duvarà essa seriu contr'à una squadra dighjà in crisa. I bastiacci si spiazzani cù l'ambizioni è a brama di vultà in Corsica senza i stacchi bioti. Ma l'assenzi sò impurtanti, cù trè cantelli di a squadra bastiaccia micca dispunibuli pà ssu scontru, postu chì Leca è Crivelli sò suspesi mentri chì Squillaci hè feritu, ciò chì faci chì François Ciccolini hè statu ubligatu à truvà suluzioni novi pà a so difesa cintrali. Si rimarca a prisenza di i ghjovani Acheampong è Fodé Camara, ss'ultimu, laterali difensivu à manca guineanu di diciottu anni, essendu pà a prima volta in u gruppu prufiziunali solu una simana dopu i so principii bastiacci in U19.
Steti à senta à François Ciccolini.
