Football (Ligue 1) - Le SC Bastia lourdement défait à Paris (5-0)
(A ridazzioni d'Alta Frequenza) - Pà u contu lla 36esima ghjurnata di Liga 1, u SC Bastia s’hè affundatu 5 à 0 davanti à u PSG. S’iddi sò pochi i rimprovari pà a prima parti llu scontru, Bastia ùn si hè fattu veda in siconda parti. U macciu, supranatu ben’intesa da i Parigini, ùn hà lacatu chè qualchì pussibilità di contri à Ngando, Saint-Maximin o Crivelli. Hè cussì chì dopu à 32 minuti, un iscambiu trà Maxwell è Matuidi si finia in i peda di Lucas chì, da vicinu, scruciaia à Leca. Un marcu com’iddu ci voli, micca com’è u sicondu trè minuti dopu : mentri chì Leca s’inchiitaia di Matuidi in tarra, è ch’unipochi di ghjucadori s’erani firmati, Verrati svulò u ballò, da 25 metra, in a cabbia di Leca ch’ùn la s’aspittaia, moltu più chì Draxler, fora ghjocu, li tappaia a vista. U Sporting si hè spintu in siconda parti, ùn avendu mancu più laziu nè forza di contr’attaccà. È, tocc’à a 75 minuta, a difesa bastiaccia hè stata sbutussata da un ghjocu à un calciu trà Guedes, Draxler è Cavani chì missi u ballò in i reti. Sfiatatu, u Sporting rindia l’armi. À l’82esima è à l’89 minuta, Lo Celso, po’ Cavani finiani di carcà a cruci à nantu à u spinu lli bastiacci. Un macciu chì, sicondu i risultata à vena, pudaria chjuccà u murtoriu pà a prisenza in Liga 1 di u SCB.
Sur le même sujet
