Football (Ligue 1) - L'attaquant Brésilien Eduardo à l'AC Ajaccio
(A redazzioni d'Alta Frequenza) - L'AC Aiacciu ùn hà micca persu tempu pà cumincià u so marcatu di i trasferimenti. Ghjustu u marcatu d'inguernu principiatu, u presidenti Alanu Orsoni hà annunziatu u nomi di una prima ghjunta : quilla di Eduardo Ribeiro Dos Santos, di più cunnisciutu sottu à u cugnomi di Eduardo. À 31 anni, iss'ultimu hè un ghjucadori bresilianu à u postu d'attaccanti. Quissu quì hà purtatu i culori di a squadra sguizzara di i Grasshopper Zürich (111 partiti, 36 reti) eppo di Guingamp (64 scontri, 22 rialisazioni), squadra cù a quali hà vintu a cuppa di Francia in u 2009, è infini di u Racing Club di Lens, in Lega 1, appiendu ci marcatu 9 reti, pà 66 partiti in prima divisioni francesi. Iss'ultimu sarà in Aiacciu marti. Ùn si sà ancu par avà, s'ella sarà a sola ghjunta pà issu mesi di ghjinnaghju in Aiacciu.
