Football (discipline) - Léon Luciani (ACA) et Christophe Ettori (GFCA) lourdement sanctionnés
(A redazzioni d'Alta Frequenza) - A cummissioni di disciplina di a Liga di Ballò Prufiziunali hè stata sivera ssu ghjovi à sera cù i clubs aiaccini. In fatti, hà cundannatu u presidenti di l’ACA Léon Luciani par via i so dichjarazioni in a stampa dopu a partita in Valenciennes di u mesi di sittembri à trè mesi di suspensioni di bancu, di spugliatoghji d’arbitri è di tutti funzioni ufficiali. Hà punitu dinò u direttori spurtivu di u GFCA Christophe Ettori, par via di u so cumpurtamentu mentri a ghjunta d’Amiens in Mezavia, cù quattru mesi di suspensioni di bancu, di spugliatoghji d’arbitri è di tutti funzioni ufficiali. Ssi cundanni pighjarani effettu u 1a di nuvembri.
