Football - Coupe de France : Le GFCA reçoit Grenoble ce samedi
(A redazzioni d'Alta Frequenza) - Ghjocu à ballò, Cuppa di Francia, ripresa pà u GFC Aiacciu ssu sabbatu dopu meziornu contr'à Grenoble, squadra di Naziunali 1 in Mezavia. Ultimi raprisintanti corsi ind'a cumpetizioni, l'Aiaccini t'avarani à cori d'entra com'ellu ci voli inde ssa partita contr'à un avversariu di divisioni infiriori, ma chì hà da luttà. Pà ciò chì tocca u gruppu, Albert Cartier duvarà cumpona senza Clerc, Perquis è Dumont, feriti, ma dinò senza Kemen è Marveaux, suspesi. Una partita trappula contr'à ssa squadra cuntinintali chì rinasci, è soprattuttu un scontru di Cuppa, induva i picculi clubs si mettini à u nivellu di i maiò pà pudè crià a surpresa.
In tutti i casi, si tratta di una partita chì ci voli à pighjà d'una manera assai seria, com'ellu a ci dici Albert Cartier, l'intrenori di u GFCA.
(Ritrattu GFCA Foot Paul Massimi)
