Election municipale de Prunelli di Fium'Orbu : André Rocchi rate d'un cheveu la victoire au premier tour
(A ridazzioni d'Alta Frequenza) - Issa duminica, c’era l’alizzioni municipali parziali in i Prunelli di u Fiumorbu. Dopu ch’iddu sichi statu impiditu d’alizzioni Pierre Siméon de Buochberg, tuccaia à eleghja un novu merri. Un’alizzioni marcata da una certa tinsioni, è da una bedda participazioni, à 74,26 %. Sò 1945 l’alittori ad avè ci participatu, a cumuna cuntendu ni 2619. Par 1892 voti spressi, sò stati 53 à vutà biancu o in nullità. Hè a lista di l’anziana uppusizioni municipali, « Insemi par Prunelli », purtata da André Rocchi, chì esci in prima cù 942 voti, vali à dì 48,78 %. Cù 5 voti di più, André Rocchi pudia essa statu elettu merri di Prunelli à u primu ghjiru. Daretu, a lista « Prunelli toujours mieux » di Stéphane Francovitch faci 536 voti, o 28,32 %. Issa lista, quidda lla maiurità in piazza, hè in pessima pusizioni pà u sicondu ghjiru. Infini, a lista naziunalista « Per Prunelli », purtata da Esteban Saldana è sustinuta da a maiurità tarrituriali, ghjunghji terza, cù 414 voti, è 21,88 %. U sicondu ghjiru si farà duminica ch’entri
Sur le même sujet
