Coup d'envoi des travaux du nouveau bloc opératoire de l'hôpital de Bastia
(A redazzioni d'Alta Frequenza) - Era un cartulari chì vultava dipoi un pezzu, ma infini, i travaghji di a sala nova d'uparazioni di l'uspidali di Bastia ani da principià. In fatti, hè ssu marti chì a grua parmittendu a custruzzioni di ssu casali novu di 1 300 m2 hè ghjunta sopralocu, pà lancià trenta mesi di travaghji, frà i quali diciottu mesi pà a rialisazioni è l'apartura di u casali novu stessu. Travaghji chì custarani deci millioni d'auri, finanziati tutti da u Statu. Ssa sala d'uparazioni nova, quand'ella sarà pronta, sarà un'avanzata vera pà l'uspidali di Bastia, mentri chì quilla attuali avia inghjinnatu a sarratura di certi sali l'ultimu istati, un bloccu attuali chì hè in traccia d'essa rinnuvatu malgradu tuttu par essa uparaziunali aspittendu a missa in sirviziu di u novu framanti.
Steti à senta à Pascal Forcioli, direttori di l'uspidali di Bastia chì volta dinò nant'à a situazioni finanziaria di l'uspidali è chì ci parla di un prughjettu novu pà l'annata 2018.
