Collectivité unique : la réponse de Gilles Simeoni à José Rossi
(A redazzioni d'Alta Frequenza) - Dui raporti impurtanti è dumandi à bocca nant'à tematichi forti inde l'attualità pà a Corsica : eccu u prugramma chì aspetta i cunsighjeri tarrituriali è esecutivi pà ssi dui ghjorni di sissioni. Ssi dumandi à bocca sò principiati da quilla purtata da u gruppu Le Rassemblement. José Rossi, u so presidenti, vulia cunnoscia u statu di l'avanzati di i travaghji di a futura cullittività di Corsica. Una dumanda à Gilles Simeoni dopu, dici José Rossi, à l'assenza d'infurmazioni cumunicati à l'Assemblea di Corsica dipoi u scontru cù Jean Michel Baylet u 15 di farraghju scorsu. Un'assenza di ritorni di Parighji ch'ellu hà accertatu Gilles Simeoni. U presidenti di u cunsighju esecutivu hà presu cunniscenza di u fattu chì u ministru di a dicintralisazioni ghjunghjaria in Corsica nanzi a fini di u mesi di maghju. Hè vultatu dinò nant'à u prughjettu di cartula è u perimetru troppu ristrettu di l'urdinanzi. Hà prisintatu dinò parechji ipotesi. Gilles Simeoni hà annunziatu dinò chì un gruppu di travaghju tennicu sarà missu in ballu cù i funziunari. Hà ramintatu infini a vulintà chì ssa cullittività unica pudissi nascia in a cuncertazioni.
Steti à senta à Gilles Simeoni.
