Bastia : Parlemu Corsu organise un cycle de conférences sur le thème du futur
(A redazzioni d'Alta Frequenza) - Ssu sabbatu dopu meziornu à 3 ori, u cullittivu Parlemu Corsu urganizeghja inde l'Anfiteatru di u liceu Giocante di Casabianca in Bastia un ciculu di cunfarenzi nant'à un tema propiu largu : u futuru. Si parlà in fatti di i prugressi di a medicina, robotica, astrunumia, tennulugii novi o ancu transumanisimu duranti ss'evenimentu. S'è i dibattiti pruposti prumettini d'essa assai intarissanti da un puntu di vista scentificu, u scopu primu pà l'associu ferma u listessu : chì a lingua corsa sighi di più in più prisenti in a sucità isulana. Parlà di timatichi micca abituali parmetti dinò à u corsu di dimustrà una certa capacità à rinnuvassi è à campà cù a so epica.
Steti à senta à Micheli Leccia, pà u cullittivu Parlemu Corsu.
Sur le même sujet
