Arrêté Miot : Jean-Sébastien de Casalta a présenté son rapport à l'Assemblée de Corse
(A redazzioni d'Alta Frequenza) - Jean Sébastien de Casalta hà rializatu, ci n'arricurdemi, à a dumanda di u presidenti di l'Assemblea di Corsica, un raportu nant'à a fiscalità di u patrimoniu, più cunnisciuta in Corsica cù u nomu "d'Arrestatu Miot". Ssu raportu t'hà com'è scopu di difiniscia un regimi di i diritti di mutazioni dopu a morti in Corsica durevuli è ghjustu, ciò ch'è no chjamemi i diritti di successioni. Si sà dinò chì l'Arrestati Miot campani i so ultimi mesi, è a Corsica duvaria entra à partasi di u 2018 in u dirittu cumunu. Dipoi anni è anni oramai, a raprisintazioni pulitica corsa prova grazia à parechji mezi à mantena ssu statutu assai spiciali. Maestru de Casalta hà pruduttu dunqua un raportu ch'ellu hà prisintatu ssu marti dopu meziornu davanti à l'Assemblea di Corsica è chì prova à fà spuntà un accunsentu u più largu pussibuli. "A situazioni cumanda d'essa prammaticu è efficaci eppo d'agiscia inde l'urghjenza" : eccu ciò ch'ellu hà dichjaratu l'avvucatu à a fini di ssa riunioni impurtanti.
Steti à senta à Jean Sébastien de Casalta.
