Zoom sur les assurances fuites d'eau
(A redazzioni d'Alta Frequenza) - L'UFC-Que Choisir di Corsica hà publicatu à a vigilia di a prisintazioni di un prughjettu di legi "cunsumazioni" à l'assemblea naziunali, i risultati di a so analisi nant'à l'utilità di i picculi assicuranzi chì sò à spessu liati à ughjetti chì omu compra com'è telefunini, o à servizii com'è quandu si faci una riservazioni par un viaghju. È dopu avè parlatu di l'assicuranzi ditti di "mezi pà pagà", chì devini pruteghja a ghjenti contr'à i risichi di perdita, d'arrubecciu è d'utilisazioni da malfattori di scecchi o carta bancaria, intarissemu ci oramai à quilli chì devini guarantiscia a perdita d'acqua di pettu à una canalisazioni chì si sciappa trà u cuntori è a casa di l'assicuratu, cù costi trà 36 è 108 aur à l'annu sicondu i guaranzii. L'UFC dinunzia pratichi agressivi, cù decini di millioni di lettari mandati ogni annu in Francia sana da l'urganisimi à l'appighjunanti è à i pruprietarii, utilizendu dinò i logò di i distributori d'acqua (Véolia, Suez), ciò chì pò inghjinnà una cunfusioni cù a fattura d'acqua chì ci voli à pagà. Un'assicuranza chì hà persu assai u so intaressu sicondu l'UFC dipoi u passaghju di una legi di maghju di u 2011 ublighendu i distributori d'acqua à pighjà in carica una parti maiò di u costu di una perdita.
Ecoutez les explications de Marc Jouatte, pour l’UFC-Que Choisir de Corse-du-Sud.
Sur le même sujet
