Zoom nant'à u certificatu di lingua corsa
(Michaël Andreani - Alta Frequenza) - Zoom oghji nant’à a certificazioni in lingua corsa. Ssu diplomu hè statu creatu ind’u quadru di una riflessioni cumuna trà i servizii accademichi raprisintati da u GRETA è l’Università di Corsica. Ssa certificazioni t’hà pà scopu di fà ricunnoscia una cumpetenza di cumunicazioni urali è scritta in lingua corsa, è di metta in valori a sparienza parsunali è prufiziunali di u candidatu. Aparta à un publicu largu (impiecatu o micca, staziariu o studienti par asempiu), ssa certificazioni hè adattata à i bisogni di a sucità è di u mondu prufiziunali frà altru. Un affari ancu di più veru, dipoi u votu di a cuufficialità di a lingua à l’Assemblea di Corsica.
Steti à senta à Ghjaseppu Vignoli, furmatori à u GRETA, prufissori abilitatu di lingua corsa è rispunsevuli di a certificazioni.
Sur le même sujet
