Le Direct

Yvan Colonna : Si besoin nous irons jusqu'à la levée du secret défense, dit Maitre Mercinier-Pantalacci

À a Cumissioni d’inchiesta parlamintaria pà l’assassiniu d’Yvan Colonna, hè stata mintuvata  – ed hè a prima volta – a pussibilità ch’iddu sichi statu Franck Elong Abè un indicatori.

Masimu chì i risposti – ci vurria à dì i non risposti – ghjustificati da u sicretu di difesa facini una bedda piazza à u dubitu, quand’iddu si circa à capì i raghjoni chì ani purtatu l’amministrazioni pinitinziaria è ghjudiziaria à essa cusì indulgenti cù issa parsona.

Pà l’avucatu lla famidda d’Yvan Colonna, issu quistiunamentu, purtatu principalmenti da Jean-Félix Acquaviva, u prisidenti lla cumissioni, metti in risaltu a cumbattività di l’elettu, è faci surghja quistioni tant’è più, cù l’avanzà di l’audizioni.

Par casu ch’iddu ci ni sichi bisognu, a pussibilità di dumandà ch’iddu salti issu sicretu di difesa ci hè, ancu puri ch’iddu sichi longu à uttena l’affari.

Steti à senta à Emmanuel Mercinier-Pantalacci, l’avucatu di a famidda Colonna.