Yvan Colonna : Quelles formes à venir pour la mobilisation ?
Issu marcuri, s’ani da truvà in a cità univirsitaria quiddi llu Cullittivu dittu di Corti, da sapè chì seguitu fà à a mubilisazioni avviata dopu à a morti d’Yvan Colonna.
Si parla aghjà d’una grandi manifistazioni pupulara.
Un’idea ch’iddu difendi, via Twitter, Stéphane Colonna, chì dici : « Di pettu à sta francia assassina è in memoria di u patriottu ch’ellu era Yvan, truvemu ci tutti insemi dumenica pà a manifestazione in Aiacciu à 2 ore di u dopu meziornu ».
Accoltu marti à sera in cungressu, u muvimentu Femu a Corsica hà datu ancu iddu u so parè.
Issu marcuri, in Corti, sarà prisenti da dibatta cù i studianti, è difinì i formi à vena lla mubilisazioni.
Avvià si in carrughju o micca, quissa u partitu ùn hè ancu à scedda la, chì ni parlarà sta sera.
Da quidd’altra parti, Femu a Cosica hà dittu ch’iddu vulia fà avanzà i niguziati avviati cù u guvernu francesu.
Riescia issu puntu chivi, saria un beddu umaghju à Yvan Colonna.
Steti à senta à François Martinetti, u sicritariu naziunali di Femu a Corsica.