Le Direct

Yvan Colonna : pour Marie-Hélène Casanova-Servas, il faut à tout prix éviter les drames

Manifistazioni di i ghjovani, oghji dinò, davanti à a prifittura lla Corsica, in Aiacciu.
À iss’accolta, erani prisenti riprisintenti llu Cullittivu natu arisera in Corti, in carica di cuurdunà l’azzioni di prutesta. Issu Cullittivu s’accoddi sindicata studiantini, riprisintenti di l’Università è muvimenta naziunalisti, è rivindicazioni n’hà trè :

- Ghjustizia è virità pà Yvan
- Libartà pà i patriotti

- Ricunniscenza llu Populu Corsu.

Sta mani dunqua, eletti, insignanti, è militanti ani fattu un muru di prutizzioni trà i ghjovani è i forzi ditti di l’ordini.

Vannina Angelini Buresi, anziana cunsiglieri tarrituriali Corsica Libara è eletta d’uppusizioni in mirria d’Aiacciu, hà lampatu una chjama di cori.
« Oghji, ben’intesa chì i maiori devini accumpagnà i ghjovani, da sfrancà li da calchì situazioni dramatica, ma tocca avali à l’eletti à piddà i cosi in manu.

Marie-Hélène Casanova Servas, eletta lla maiurità tarrituriali, era prisenti ancu idda. Hà dittu ch’idd’hè ora oghji d’appacià si, da ùn pittughjà si à un drama.
Steti la à senta.