Yvan Colonna : le rapport intermédiaire de l'Inspection générale de la justice ne sera pas publié
Marti, Christine Colonna hà parlatu, via u so contu Twitter, di u primu raportu di a spizzioni ginirali lla ghjustizia : « i cunclusioni d’issu raportu sarani aghjà un pinseri, postu ch’iddi si circani falsi raghjoni par attimpà a so publicazioni ? »
Issu quistiunamentu si faci chì un articulu, à nantu à u situ internet di TF1, dicia ch’issu raportu ùn saria publicatu.
A spizzioni ginirali lla ghjustizia hà rimissu u ducumentu à u guvernu francesu, ma Matignon hà dumandatu cumplementi d’infurmazioni.
Diciariani, i primi custati lli rapurtadori, ch’iddu ci hè di chì quistiunà si par ciò chì tocca à a piriculosità di franck elong abé è à i sistema di videoprutizzioni lla cintrali d’Arles. Ma cunclusioni, a spizzioni ginirali lla ghjustizia ùn n’hà datu. U guvernu hà sceltu dunqua d’aspittà u raportu difinitivu. Quissi chivi, ben’intesa, hà da essa publicatu d’istati, dopu bè à l’alizzioni.
