Yvan Colonna de retour à la centrale d'Arles
(A redazzioni d'Alta Frequenza) - Yvan Colonna hè vultatu ind'a prighjoni d'Arles, com'ellu a dumandava dopu à u so trasferimentu in Réau in Seine et Marne à u principiu di u mesi di lugliu scorsu, un affari ch'ellu cuntistava. L'annunziu hè statu fattu ssu ghjovi da u so avvucatu Patrice Spinosi. Yvan Colonna era statu trasferitu in Seine et Marne, postu ch'ellu era suspittatu d'avè vulsutu scappà da a cintrali d'Arles. D'appressu à Patrice Spinosi, ssa dicisioni hè "a dimustrazioni di u carattaru propiu micca fundatu di i suspetti d'evasioni chì l'amministrazioni avia missu in avanti pà spiazzà lu, suspetti ch'ella ùn avia mai pussutu ghjustificà davanti à u ghjudici amministrativu".
Sur le même sujet
