Le Direct

Xylella Fastidiosa : un cas positif identifié en Corse-du-Sud

(A redazzioni d'Alta Frequenza) - Sicondu a prifittura di Corsica, un casu pusitivu di Xyllela Fastidiosa hè statu identificatu oghji (marcuri) in Corsica Suttana annant'à pianti di Polygale cù u fogliu di murta in una zona cumirciali di a cumuna di Prupià. A scuparta di u vegetali suspettu hè stata rializata in u quadru di u rinforzu di i misuri missi in opara à l'iniziativa di u Statu dipoi u 2014 pà privena l'intruduzzioni di ss'urganisimu nucevuli. Di fattu, prilevamenti sò fatti di manera rigulari dipoi u veranu di u 2014, chì, fin'è tandu, erani stati negativi. Un prilevamentu, rializatu u 20 di lugliu da a Federazioni regiunali di difesa contr'à l'urganisimi nucevuli (FREDON), trasmessu à u laburatoriu di rifarenza di l'ANSES, hè statu pusitivu oghji. U prifettu di Corsica Suttana hà dumandatu subbitu chì i primi misuri di u pianu d'urghjenza sighini missi in opara, vali à dì strappà i pianti cuncirnati, tumbà l'insetti di a zona è lancià un'inchiesta epidemiulogica. Ss'azzioni sfarenti sò in traccia d'essa missi in opara. U Cunsighju regiunali d'urientazioni di a pulitica sanitaria animali è vegetali (CROPSAV), prugrammatu dumani (ghjovi), parmittarà di fà un puntu annant'à a situazioni.