Le Direct

Xylella : deux nouveaux cas mais différents de ceux détectés en Italie

(A redazzioni d'Alta Frequenza) - Dui piantini novi di polygale cù fogliu di murta cuntaminati da u batteriu Xylella Fastidiosa sò stati scuparti in Prupià : eccu ciò ch'ella dici in un cumunicatu a prifittura di Corsica, chì faci un puntu in ssu 30 di lugliu. Ssi vegetali erani piantati inde lochi bè sfarenti di pettu à i piantini identificati prima com'è cuntaminati, ghjunghjini malgradu tuttu da a listessa pepineria. Misuri pà tumbà l'insetti sò stati privisti ind'u culleghju di Prupià è in un paesi di vacanzi di a cità. In più di què, sicondu l'annunziu fattu da u ministru di l'Agricultura arisera (ghjovi), "l'analisi rializata da u laburatoriu di rifarenza di l'ANSES hà cunclusu chì u batteriu prisenti [...] apparteni à a sottu spezia multiplex, tutalmenti sfarenti di a sottu spezia pauca trova in Italia". Postu chì i trè casi pusitivi t'ani un'urighjini cumuna, hè ditta par avà chì l'unica sottu spezia multiplex di u batteriu Xylella Fastidiosa hè prisenti in Corsica.