Vote du PADDUC : la satisfaction de Paul Giacobbi
(A redazzioni d'Alta Frequenza) - A Corsica hà vutatu u so PADDUC : i cunsighjeri tarrituriali è esecutivu ani participatu à u votu finali dopu à l'inchiesta publica di u ducumentu di prugrammazioni chì ditarminarà l'avvena di a Corsica pà i dicennii chì venini. 36 à prò, 12 contru è 3 assenti. Un votu chì includi par asempiu quillu di i naziunalisti di Corsica Libera è di Femu a Corsica, chì ani vistu i so amendamenti fà l'ughjettu di un votu pusitivu. Amendamenti soprattuttu annant'à i spazii strategichi agriculi è i spazii rimarchevuli caratteristichi di u patrimoniu. Dopu à ssu votu assai pusitivu, Paul Giacobbi era ben intesu assai cuntentu. A validazioni di u Padduc, fiascu maiò ramintemula di a mandatura scorsa, custituisci di una certa manera a cunclusioni di cinqui anni di travaghju, vali à dì u tempu di a mandatura Giacobbi.
Steti à senta à Paul Giacobbi, u presidenti di l'Esecutivu di Corsica.
Sur le même sujet
