Vote du budget primitif de la CTC : le groupe communiste se démarque du reste de l'Assemblée
(A redazzioni d'Alta Frequenza) - Dopu à dui ghjurnati senza fini è discussioni longhi pà sbuccà infini nant'à un accunsentu fora di l'emiciculu, u bughjettu primitivu 2016 di a Cullittività tarrituriali di Corsica hè statu aduttatu vennari à sera. I gruppi Femu a Corsica è Corsica Libera di a maghjurità ani vutatu à prò di sicuru (24 voti), mentri chì, in leia cù l'accordu signatu calchì ora nanzu, i gruppi Le Rassemblement, Prima a Corsica è u Front National ani ricusatu di participà à u votu (24 eletti), parmittendu una sorti pusitiva pà ssu raportu. I soli voti contru sò senza surpresa quilli di u gruppu Communiste et Citoyens du Front de Gauche (3 voti). Ss’ultimu gruppu s’hè spiccatu propiu dunqua da tuttu u restu di l’Assemblea pà fà valè i so scelti pulitichi. Senza suvità u gruppu di l’anzianu presidenti di l’Esecutivu, Dominique Bucchini è i membri di u so gruppu ani vulsutu dì cù forza ch’elli ùn sò mancu appena d’accunsentu cù l’uzzioni è i scelti validati da l’Assemblea di Corsica.
Steti à senta à Dominique Bucchini, l’anzianu presidenti di l’Assemblea di Corsica.
