Vote du budget primitif de la CTC : Jean-Christophe Angelini soulagé
(A redazzioni d'Alta Frequenza) - Dopu à dui ghjurnati senza fini è discussioni longhi pà sbuccà infini nant'à un accunsentu fora di l'emiciculu, u bughjettu primitivu 2016 di a Cullittività tarrituriali di Corsica hè statu aduttatu vennari à sera. I gruppi Femu a Corsica è Corsica Libera di a maghjurità ani vutatu à prò di sicuru (24 voti), mentri chì, in leia cù l'accordu signatu calchì ora nanzu, i gruppi Le Rassemblement, Prima a Corsica è u Front National ani ricusatu di participà à u votu (24 eletti), parmittendu una sorti pusitiva pà ssu raportu. I soli voti contru sò senza surpresa quilli di u gruppu Communiste et Citoyens du Front de Gauche (3 voti). Duranti tutta ssa sissioni assai longa, Ghjuvan Cristofanu Angelini hà suvitatu è participatu à i discussioni cù una certa inchietudini. Hè dunqua cù un sullevu maiò ch’ellu hà accoltu u votu difinitivu di u bughjettu.
Steti à senta à Ghjuvan Cristofanu Angelini, u presidenti di l’ADEC.
