Vote concernant la protection du patrimoine foncier: l'analyse d'Aline Castellani
(A redazzioni d'Alta Frequenza) - Hè dunqua prestu stamani (vennari) chì l’Assemblea di Corsica hà aduttatu cù 29 voti u raportu annant’à a prutezzioni di u patrimoniu fundariu ; un votu micca à l’altezza di quillu di calchì mesi fà, è di u famosu « votu di i 46 » accadutu dopu à u dibattitu annant’à a scrizzioni di a Corsica ind’a Custituzioni. In fatti, 18 cunsighjeri ani vutatu contru è 4 ùn ani micca participatu à u votu. A diritta ùn hè micca stata unita, in fatti, Anne Marie Natali, Antoine Sindali è Etienne Suzzoni ùn ani micca datu u so parè, com’è François Tatti chì ùn hà micca suvitatu u so gruppu. Com’è privistu, a manca republicana hà vutatu contru, com’è u Front de Gauche, è una parti dunqua di a diritta. Ssu dibattitu, assai cumplessu hè di sicuru difficiuli d’accessu pà u publicu, ma pà simplificà i cosi à u più, si pò dì ch’ellu hè statu cintratu annant’à ciò chì si chjama oramai u statutu di residenti. A manca republicana, ùn hè micca una surpresa daveru, hà vutatu contr’à ssu prughjettu. Com’è sempri, Aline Castellani hè stata corta ma putenti annant’à u mutivu di u so ricusu.
A stemi à senta.
