Volley (Ligue B) - Le GFCA s'impose avec la manière à Royan et continue sa course folle
Photo : GFCA
A squadra di Royan Atlantique, chì par avali ùn avia persu mai in a so sala, hà persu sabbatu trè mani à zeru contru à u GFCA volley.
L’omini di Frédéric Ferrandez ùn ani trimatu pà issa nuvesima vittoria di fila in campiunatu di a Liga B. N’hè, a squadra corsa, à una vittoria à ugni scontru.
A sala era zippa, è tutta pà i lucali, ma u GFCA l’hà spinta vincindu 25 à 17 ugni mani ghjucata, in menu d’un’ora.
I Diavuli Russi alluntanani un pocu di più à Cannes, sicondu lla classifica, chì hà persu à Mende.
Sabbatu, pà l’ultimu scontru di l’annata 2023, l’aiaccini ani da mova ghjustamenti in a sala di i so sicondi.
Vincindu, u Gaz mittaria un beddu colpu à a cuncurrenza ghjustu innanzi à i festi.
