Volley (Ligue B) - Invaincu, le GFCA va défier son dauphin Cannes dans sa salle
Photo : GFCA Volley
In Liga B di volley, i Diavuli Russi di u GFCA si ni movini sabbatu à ghjucà contru à Cannes, sicondu di a cumpitizioni.
Invinti sinu ad oghji, l’omini di Frédéric Ferrandez facini par avali u più beddu di i parcursi, chì ùn isdici mancu stampa cù l’ambizioni prisintati à l’entra di u campiunatu.
Primu cù cinqui punti d’avanzu à nantu à u so sicondu, u Gaz hà da ghjucà sta sera una partita di quiddi, ma ci sarà ancu chivi a pussibilità d’acciaccà i so cuncurrenti è di metta si davanti bè à a classifica.
Cù una dicesima vittoria di fila, u GFCA i passaria beddi allegri, i so festi di fin’d’annata.
Ma ci hà da vulè à dumà issa squadra bedda solida, chì vurrà ben’intesa essa a prima à fà inciampà l’aiaccini.
U scontru cumencia à sei ori, à u « Palais des Victoires », in Cannes.
