Volley (Ligue A) - Victoire facile du GFCA face à Toulouse (3-0)
(A ridazzioni d'Alta Frequenza) - Volley, Liga A : vittoria 3 à 0 di u GFCA contru à i Toulouse Spacer’s, sabbatu, à u Palatinu. Ùn ani avutu piità micca pà i so avvirsarii, l’aiaccini, è ani missu menu d’un’ora è mezu à vincia issu scontru in a so sala. Hè da nutà u ghjocu di Pepic, chì hà missu 25 punta. Pà l’aiaccini, issa vittoria dà a cunfirma di ciò ch’iddu s’era aghjà vistu contru à Tours. U prossimu scontru si farà in Nizza, è l’omini di Frédéric Ferrandez circarani à ricutà ci a so prima vittoria for’di casa. Ma li tuccarà à essa attenti è bè, chì i nizzardi ani vintu 3 à 0, issa duminicata, in Seta. Ad oghji, u GFCA hè sestu lla classifica
Sur le même sujet
