Volley (Ligue A) - Battu à Nantes 3-1, le GFCA est relégué en Ligue B
Photo : Alta Frequenza
Sabbatu, in Liga A di Volley, u GFC Aiacciu ghjucaia contru à Nantes, pà u penultimu scontru llu campiunatu. Par tena si un pocu di spiranza pà u mantinimentu, li tuccaia à u GFCA, à vincia issu scontru innanzi di mova si ni in Tours, a sittimana ch’entri.
Ma i Russi è Turchini ani persu 3 à 1 contru à u so avvirsariu, chì hà assicuratu u so mantinimentu.
A prima mani, l’aiaccini l’ani persa 25 à 21. A siconda hà lacatu a piazza à calchì spirà, postu chì u Gaz l’hà vinta 27 à 25. Ma fatta fini, pirdindu i dui altri 25 à 20 è 25 à 18, i ghjucadori di Frédéric Ferrandez si ni falani matimaticamenti in Liga B.
Succedi, issa falata, in u mentri chì u prisidenti storicu lla squadra, Antoine Exiga, hè statu scantatu da l’assemblea ginirali lla squadra.
Eccu dunqua, pà a squadra aiaccina, un pezzu di storia chì si compii.
Sur le même sujet
