Volley-ball (Ligue A) - Le GFC Ajaccio prépare déjà la saison prochaine
(A redazzioni d'Alta Frequenza) - S'è a staghjoni 2016-2017 di Ligue A di volley ball principiarà solu di sittembri, omu si movi dighjà in u GFC Aiacciu pà appruntalla à u meghju. Dopu essa ghjuntu fin'è a meza finali di i play offs, ma soprattuttu dopu avè guadantu u prima trufeu di a so storia cù a Cuppa di Francia, u GFCA voli cuntinuà à crescia. Ghjunta d'elementi novi, prulungazioni di ghjucadori maestri è di l'intrenori emblematicu, u club, senza circà à fà cosi scemi, brama di custruiscia una squadra cumpetitiva par imbistià torna i più grandi di u campiunatu è par ùn fà solu figurazioni in cuppa d'Auropa.
Steti à senta à Frédéric Ferrandez, l'intrenori di u GFC Aiacciu volley ball.
