Volley-ball - Le GFC Ajaccio s'impose face à Budva pour son entrée en coupe d'Europe (0-3)
(A redazzioni d'Alta Frequenza) - U GFC Aiacciu ùn pudia micca spirà un'intrata più bella pà a so prima partita di a Cuppa di a Cunfederazioni Aurupea di Volleyball. L'Aiaccini ani vintu in fatti ssu marti à sera in u Montenegrò contr'à a squadra di Budva, 3 sets à 0 (25-23, 25-18 è 27-25). Una billissima parfurmenza pà i ghjucadori di Frédéric Ferrandez, chì erani appena sminuiti pà ssu scontru. A partita ritornu sarà urganizata in u Palatinu u 17 di ghjinnaghju.
Sur le même sujet
