Visite officielle du nouvel exécutif de Corse jeudi et vendredi en Sardaigne
(A redazzioni d'Alta Frequenza) - Corsica è Sardegna, isuli surelli, ma solu nant'à a carta è ind'i menti. Ss'isuli surelli, si sà, dipoi dicennii, è par avè campatu parcorsi pulitichi sfarenti, si sò ghjirati u spinu. Pà falla finita cù ssa situazioni micca nurmali, a guvernenza nova di a Cullittività di Corsica hà dicisu di lià o di lià torna liami cù a Sardegna. Gilles Simeoni, accumpagnatu da parechji cunsighjeri esecutivi è u presidenti di u Cunsighju Ecunomicu, Suciali è Culturali di a Corsica, farani ssu ghjovi i 12 chilometri chì spiccani Bunifaziu è Santa Teresa. Sarà una visita ditta "ufficiali" parchì i tematichi amintati cù u guvernu di Sardegna sarani numarosi è impurtanti. Raporti trà l'isuli aurupei, trasporti, fiscalità, ambienti, scambii ecunomichi, acqua è ancu lingua sarani trattati duranti i dui ghjorni chì a dilegazioni corsa passarà in Sardegna.
Steti à senta à Gilles Simeoni, u presidenti di l'esecutivu.
Sur le même sujet
