Visite en Corse du Président de la République : Emmanuel Macron n'ira pas à Bonifacio
(A redazzioni d'Alta Frequenza) - Un appuntamentu mancatu ! Quillu trà u Presidenti di a Republica è a cità di Bunifaziu raprisintata da u so merri Jean Charles Orsucci. Mentri chì Emmanuel Macron avia privistu d'andacci duranti a so visita in Corsica ssu marti, ssa tappa hè stata cacciata da u so prugramma. A raghjoni : u votu da l'eletti macrunisti di l'Assemblea di a risuluzioni pà u Presidenti di a Republica ssu vennari ? A dumanda pò essa posta, soprattuttu dopu à l'intarvinzioni publica di Christophe Castaner dopu à ssu votu. Pà ciò chì tocca u merri di Bunifaziu, raprisintanti elettu di LREM in Corsica, prifirisci pinsà chì ss'annulazioni hè inghjinnata da un prublema di tempu. Nant'à u fondu, Jean Charles Orsucci a dici torna, a risuluzioni vutata vennari và cù u pattu girondinu d'Emmanuel Macron è u discorsu di Furiani ; và inde u sensu è l'intaressu di a Corsica, hà aghjustatu ss'ultimu.
Steti à senta à Jean Charles Orsucci.
Sur le même sujet
